Robotët e seksit me “funksionim të plotë të organeve gjenitale” do të hidhen në treg vitin tjetër dhe do të kushtojnë 12.000 sterlina, ose me monedhën vendase 18 milionë e 210 mijë lekë (të vjetra).
Gjenerata e ardhshme e kukullave mund të jetë tepër reale, me karakteristika që nuk i keni parë më parë, raporton britanikja “Mirror”.
Kukullat do të kenë të inkorporuar pajisje ngrohëse, në mënyrë që të kenë nxehtësinë e trupit njerëzor dhe sensorë që të mund të reagojnë gjatë prekjeve.
“RealDoll” është krijuar nga Abyss Creations, një kompani me bazë në Kaliforni.
Matt McMullen, CEO i RealDolls thotë se do që fansat të zhvillojnë “dashurinë” për kukullat
Themeluesi Matt McMullen tha: “Unë dua që njerëzit të zhvillojnë një lidhje emocionale, jo vetëm me robotin, por karakterin e vërtetë pas tij, për të zhvilluar një lloj dashuri për këtë qenie”. David Levy, autori i librit “Love And Sex With Robots”, tha: “Nuk kam asnjë dyshim se disa do ta cilësojnë rrëqethëse, por ardhja e robotëve seksualë që reagojnë do të ketë pasoja të mëdha”. “Ne tashmë kemi parë ndryshime të shpejta në marrëdhëniet njerëzore falë internetit, pajisjeve të lëvizshme dhe medias sociale.
Përparimi tjerët i madh do të na mundësojë të përdorim teknologjinë për të pasur marrëdhënie intime me vetë teknologjinë – të biem në dashuri me teknologjinë, të bëjmë seks me robotët dhe të martohemi me ta”, shtoi ai.
