Një zjarr i përmasave të mëdha ka rënë në një apartament në qytetin e Gramshit. Sipas të dhënave paraprake, zjarri ka rënë në një apartament pranë komisariatit të policisë dhe dyshohet se ka ndodhur si pasojë e shpërthimit të një bombule.
Kryetaja e Bashkisë Luljeta Dollani thotë se rrezikohen edhe 18 apartamente të tjera nga flakët e mëdha.
Ndërkohë në vendin e ngjarjes ka mbërritur edhe një zjarrfikëse nga Elbasani për të bërë të mundur shuarjen e flakëve.