Korea e Jugut beson se regjimi i Koresë së Veriut fshihet pas vdekjes së vëllait të liderit suprem të saj Kim Jong Un. Kim Jong-nam u vra në aeroportin e Kuala Lumpur në Malajzi dy javë më parë nga dy agjente femra, që mendohet se ishte vetë diktatori i Koresë së Veriut që i ka dërguar pas fyerjeve që Jong-nam i bëri regjimit të vëllait të tij më të vogël.
“Ne besojmë se regjimi i Koresë së Veriut fshihet pas incidentit të ndodhur në Malajzi. Të dyshuarit kryesorë janë të gjithë koreanoveriorë,” tha zëdhënësi i Ministrisë së Unifikimit të Seulit.
Policia malajziane ndërkohë ka arrestuar një person dhe thuhet se janë vënë në kërkim të 4 të tjerëve. Pavarësisht spekulimeve të shpërndara gjerësisht se Korea e Veriut fshihet pas vrasjes, ende nuk ka prova që e vërtetojnë këtë, shkruan BBC.
