Po “lulëzon” më shumë se kurrë aksioni i bllokueses së gomave dhe gjobave për çdo shofer që tregohet i pakujdesshëm ose i papërgjegjshëm në rrugë apo në parkimin e makinës.
Mirëpo kur këto rregulla të vendosura sipas ligjit shkelen nga vetë ai që e voton këtë ligj, atëherë le të themi se në Tiranë situata është për të vënë duart në kokë.
Një zonjushë është ajo që ka kapur mat deputetin socialist Erion Braçe, në fakt makinën e tij. Fotoja më poshtë për hir të vërtetës nuk ka nevojë për shumë shpjegim, mirëpo për vetë deputetin rilindas le të sqarojmë se, sipas ligjit që vetë ai ka votuar në parlament nuk lejohet parkimi i dyfishtë, siç ka bërë ai duke bllokuar kështu korsinë e makinave.
Fotoja është bërë sot përballë kryesisë së Kuvendit, ku mesa duket Braçe ose ka harruar ligjin për shkak të halleve në koalicion, ose s’pyet fare se ka një të tillë.
