Gjashtë persona janë vënë në pranga si rezultat i operacionit “Koordinimi” në Fushë Krujë gjatë shkëmbimit të një sasie të madhe lënde narkotike.
Të arrestuarit janë Bledar Coraj, 36 vjeç, Egli Selaci, 28, Shkëlqim Miri, 47, Amarildo Mulleti, 30, Durim Demiri, 24, Hysni Demiri, 59, të gjithë të lindur dhe banues në Fushë Krujë. Gjithashtu është shpallur në kërkim personi me inicialet P.D.
Forcat policore në operacion kanë ndërhyrë në aksin rrugor Fushë Krujë- Vorë, në momentin që do kryhej shkëmbimi i lëndës narkotike. Gjatë operacionit është bërë sekuestrimi i një sasie prej 425 kg lëndë e dyshuar narkotike cannabis sativa. Si dhe 12 armë zjarri dhe municione, nga të cilat 7 prej tyre janë automatik model 56 dhe janë 5 pushkë. Gjithashtu u sekuestruan dhe dy automjete dhe 10 aparate celularë.
“Si rezultat i ndërhyrjes është sekuestruar në një automjet furgon që ndodheshin shtetasit Bledar Coraj dhe Egli Selaci , rreth 170 kg Cannabis Sativa. Ndërsa pjesa tjetër e lëndës narkotike është sekuestruar në banesat e personave të arrestuar,” njofton policia.BW