Policia e Lezhës ka vënë në pranga një 55-vjeçar, akuzuar për veprime të turpshme dhe ngacmim seksual të dy vajzave të mitura.
Policia njofton se ka arrestuar në flagrancë shtetasin Nikë Çungu, 55 vjeç, banues në Lezhë.
“Ky shtetas dyshohet se ka kryer veprime të turpshme si dhe ka ngacmuar seksualisht 2 shtetase të mitura 16 dhe 14 vjeçe”- njofton policia.
Materialet procedurale u referuan Prokurorisë së Rrethit Gjyqësor Lezhë për veprat penale “ Vepra të turpshme” dhe “ Ngacmim seksual” parashikuar nga nenet 108 dhe 108/a të Kodit Penal