Një qytetar nga Tirana është ankuar pranë redaksisë sonë në lidhje me një padrejtësi që i është bërë në shtëpinë e tij në lidhje me faturimin e ujit të pijshëm. Ai nuk përdorte prej kohësh ujin në shtëpi por i ikën mendja kur shikon faturën që i vjen.
Detyrimi për konsumin e ujit ishte në vlerën zero por plot 10 mijë lekë të vjetra ishin vetëm taksa si tarifa e pastrimit 380 lekë, taksa mbi ndërtesën 200 lekë dhe taksa e përkohshme për infrastrukturën arsimore 300 lekë. Nuk mungonte as tarifa e shërbimit prej 120 lekësh.
Në këto kushte kurrizi i popullit mban përsëri, ndonëse dikur u premtua për ulje të taksave. Realiteti ndërkohë flet ndryshe.