Një ngjarje e rëndë ka ndodhur ditën e djeshme tek “Shkëmbi i Kavajës” në qytetin e Durrësit.
65-vjeçari me inicialet L.H u rrëzua aksidentalisht nga kati i 7 i pallatit rreth orës 13:00 dhe si pasojë ka gjetur vdekjen e mënjëhershme.
Sipas njoftimit të policisë, 65-vjeçari ndodhej në banesën e motrës së tij dhe kishte hipur me shkallë në ballkon për të prerë degët e pemëve dekorative të mbjella mbi vazo.
Fatkeqësisht ai nuk ka mundur të mbajë ekuilibri dhe është rrëzuar 7 kate më poshtë. Materialet i kaluan Prokurorisë së Durrësit për zbardhjen e plotë të ngjarjes.
