Pak dite me pare “standard” ne suplementin e perjavshem politik botoi analizen me titull “Trump erdhi! Ç’do ndodhe me “oktapodet” e Sorosit te infiltruar ne PS, PD, media e shqoeri civile”.
Nje analize e cila ngriti diskutime jo vetëm në media, por edhe në ambientin politik. Lidhur me kete shkrim tre faqe gazete, ka reaguar edhe sekretari per aksionin qytetar ne PD Ervin Salianji, i permendur ne shkrim.
Ne kete pike gazeta eshte e treguar e gatshme, ashtu sic i takon nje gazetarie te ndershme e transparente, te jete e hapur per cdo reagim,ndaj lajmeve apo analizave te botuara, te kujtdoqofte ( deputet, zyrtar, analist apo thjesht individ pa post).
REAGIMI i Ervin Salianjit
Të nderuar drejtues të Gazetës Standard, për shkak të respektit që gëzoj për gazetën tuaj dhe misionin e saj opozitar, veçanërisht në këto kohë të vështira të lirisë së medias dhe shprehjes në Shqipëri, por më shumë akoma në respekt të lexuesit kryesisht opozitar i cili ndjek gazetën tuaj, e shoh me vend që shpifjet qarkulluese apo baltën e hedhur dhe ricikluar nga makineria e propagandës së qeverisë, që fatkeqësisht gjen publikim në gazetën tuaj, mbi gjoja “lidhjet” e mia me George Sorros; ti deklaroj jo vetëm të pavërteta por ti mendoj edhe të sponsorizuara nga segmentë pro qeverisë, qofshin këta edhe të ashtuquajtur “sorrosistë”. Kjo strategji ka vetëm një qëllim të, barazojë opozitën me qeverinë!
Për shkak të funksionit që ushtroj në Partinë Demokratike, funksion i cili imponon qartësinë dhe transparencën e misionit publik edhe sa i përket figurës dhe personalitetit të atij që e mbart; deklaroj në përgjegjësinë time të plotë që nuk kam pasur dhe as kam asnjë lidhje me George Sorros. Lidhjet e mia me cdo fondacion apo cdo strukture te tij jane zero dhe zero. E shoh me vend të mos lejoj asnjë paqartësi mbi këtë makineri intrigash të cilat tentojnë të njësojnë të keqen e qeverisë me opozitën, me qëllimin e vetëm dëmtimin e opozitarizmit. Kjo baltosje shkon në favor vetëm të qeverisë, realitet të cilin si opozitë përpiqemi pa reshtur ta ndalim.
Po ashtu në shkrimet tuaja ka gabime të rënda të arsyetimit ku lidhjet dhe njohjet përdoren si “urë” e legjitimimit të skenarëve të shpifjeve në atë shkrim. Kështu duke qenë se në shkrimin tuaj përmendni individë si Henri Çili, i cili ka shpallur haptazi qëndrimet e tij pro qeverisë, dhe që po ashtu ka lidhje shumë të gjata me gazetën tuaj duke qene ish drejtor i kesaj gazete, shfaqet fare e qartë nga po te perdor te njejten logjike që përdorini ju në shkrim se ju ka sponsorizuar ju, pikërisht për të barazuar opozitën me qeverinë. Skenar qe une nuk e besoj por arsyetimi logjik qe perdorni ju eshte i njejte. Në rast se Sorros do ta kishte “kapur” opozitën apo “kapur” mua personalisht siç tenton artikulli juaj, unë nuk do të isha në Partinë Demokratike dhe të bëja çdo betejë opozitare në vitet e vështira të opozitës pa asnjë ndalesë dhe tërheqje.
Duke mos e besuar apriori që ju jeni një nga gazetat e sponsorizuara, por duke gjykuar që keni rënë në “kurthin” tashmë viral të veglave të qeverisë që përpiqen të godasin opozitën me shpresën se do të mbulojnë sadopak rrënimin e kësaj qeverisje, është dhe mbetet në detyrën dhe misionin tuaj të pasqyroni të vërtetën dhe veçse të vërtetën. Sërish dhe vetëm në respekt të misionit tuaj ju drejtohem me kërkesën në vijim, duke ju dhënë mundësinë që nëpërmjet reagimit tuaj siç duhet dhe siç ju takon, ti shërbeni opinionit publik dhe shqiptarëve.
