Kryetari i LSI Ilir Meta ka kërkuar kohë, debat gjithëpërfshirës dhe ekspertizë për ligjin e mbetjeve, duke e cilësuar atë se një vendimarrje e nxituar. Gjatë firmosjes së një memorandumi bashkëpunimi me Universitetin e Tiranës, Meta i bëri thirrje forcave politike të përfaqësohen me sa më shumë intelektualë dhe pedagogë.
Ligji i mbetjeve vazhdon të mos e këtë konsensusin brenda kuoalicionit qeverisë. LSI mendon se ligjit i duhet një analizë e detajuar dhe dëgjesa me të gjitha palët në mënyrë që ligji të mos ketë kundërshti.
Meta: Shpesh herë edhe vendimarrjet kanë qenë edhe të nxituara jo vetëm për shkak ndonjëherë të vullnetit politik të jo shumë të përgjegjshëm të përmbajtur. Ne po vëmë re përsa i takon çështjes së mbetjeve që shpesh herë sa i nevojshëm dhe i domosdoshëm është paraprirja e vendimarrjes nga studime nga debate nga kërkime.
Ndërsa kreu i Komisonit të Veprimtarisë Prodhuese Eduard Shalsi nuk dha asnjë datë fikse për rishqyrtimin e dekretit të presdidentit.
Shalsi: Nëse do të më tregonit se cilit nen të rregullores i referoheni me shumë kënaqësi do t’iu përgjigjesha.
Gjatë nënshkrimit të një marrëveshje bashkëpunimi me Universitetitn e Tiranës, Ilir Meta i sugjeroi partive politike që në listat e 2017 të përfaqësoheshin me sa më shumë intelektual.
Meta: Të gjithë forcat politike në zgjedhjet e 2017 të gjejnë mundësi për tu përfaqësuar me sa më shumë intelektuale, pedagogë.
Marrëveshja e bashkëpunimit firmosur nga Kreu i LSI dhe rektorit Mynyr Koni konsiston në bashkëpunimet mes institucioneve për praktikat mësimore dhe përfshirjen e eksprtëeve në refomat kyçe të vendit./oranews