Policia italiane në Vicenza ka arrestuar një shtetas shqiptar i cili i kap menjëherë pasi i dha një dozë heroinë një konsumatori.
Në pranga ka përfunduar Gazmir Moku, shqiptari 42 vjeçar, për të cilin mediat italiane shkruajnë se njihej ndryshe edhe si “Gazi” apo “Tyson” për fizikun e tij të bëshëm.
Tashmë ai është sërish në telashe, teksa edhe një dekadë më parë, është përfshirë në një hetim në lidhje me trafikun e drogës, si dhe në hetime të tjera, por ka rezultuar më pas i pafajshëm.
I dyshuari, me urdhër të prokurorit publik Fietta, ishte kontrolluar për disa kohë, sepse konsiderohej si qendra e tregut të heroinës.
Moku punon në një fabrikë të zonës, ku ishte takuar me një klient. Pas shitjes se droges, policia nderhyri dhe e arrestoi.
Gjate kontrollit iu gjeten edhe 18 doza heroinë, e cila do të hidhej në treg brenda disa orësh.
Teksa ne dollapin e tij personal ne fabriken ku punonte, policia gjeti edhe 20 mijë euro te fshehura, të cilat janë konfiskuar sepse konsiderohen fitime nga shitja e droges./panorama
