Policia ka arrestuar efektivin e FNSH -së pasi aksidentoi një këmbësore në “Bulevardin blu” në Kamëz. Bëhet fjalë për shtetasin Ramazan Durishti,i cili mësohet se është pjesë e trupit të shërbimit operacional në FNSH.
Ngjarja ka ndodhur pasditen e djeshme në kryeqytet, rreth orës 16:40, teksa inspektor Ramazan Durishti duke lëvizur me makinën e tij me targa TR 6897 P, ka përplasur 58-vjeçaren me inicialet N.T.
E lënduara është dërguar menjëherë në Spitalin e Traumës, dhe tashmë ndodhet nën kujdesin intensiv të mjekëve.
Pas kësaj, Shërbimi për Çështjet e Brendshme dhe Ankesat (SHÇBA) ka arrestuar rreth orës 22:30 inspektor Ramazan Durishtin, me detyrë trup shërbimi operacional pranë Repartit të Ndërhyrjes së Shpejtë (FNSH). Durishti akuzohet për “Shkelje të rregullave të qarkullimit rrugor”.
