Spanja ishte vendi i parë që pati mundësinë të dëshmonte “superhënën”, një spektakël madhështor qiellor. Ky fenomen ndodh kur Hëna i afrohet sipërfaqes së Tokës më tepër se mesatarja, për shkak të orbitës së saj ovale rreth planetit tonë.
Astrologët thonë se kjo do të jetë hëna më e afërt që prej 1948, ndërkohë që parashikojnë se “superhëna” e ardhshme do të ndodhë në 2034.
Sipas astronomëve, hëna e plotë do t’i vijë Tokës edhe më pranë se superhëna e vitit 1948.
Në qasjen më e afërt, e cila ndodh të hënën, në orën 11:23 me zonën kohore të Greenwich, hëna kalon jo më larg se 348.400 km nga sipërfaqja e Tokës, pra rreth 35.400 km më
pranë se mesatarja, sipas përllogaritjeve të astronomëve.
Distanca e Hënës nga Toka varion për shkak të orbitës së saj, e cila ka formë ovale dhe jo atë të një rrethi të rregullt.
Nëse qielli është i qartë, hëna e plotë e ardhshme do të shfaqet deri në 14% më e madhe dhe 30% më e shndritshme se zakonisht, dhe sipas NASA, kjo është pikërisht ajo që njihet si “superhëna”. Astrologu Richard Nolle ishte i pari që përdori këtë term.
Astrologët parashikojnë se hera e ardhshme që një hënë e plotë do të vijë kaq pranë Tokës, do të jetë në 25 nëntorin e vitit 2034.
Ora News në bashkëpunim me agjencinë europiane të fotos ju sjell ekskluzivisht foto të mrekullueshme nga ky fenomen.
![The supermoon rises in San Jose, Calif., on Sunday, Nov. 13, 2016. (Karl Mondon/Bay Area News Group)](http://www.standard.al/wp-content/uploads/2016/11/sjm-supermmoon-1114-03.jpg)