Era Istrefi me këngën e saj “Bon Bon” u plasua në tregun botëror duke arritur edhe një famë që një këngëtare e krijuar në Kosovë, do të ishte vështirë ta arrinte.
Fama e saj ka bërë që të inspirojë edhe artistë të huaj, për të mbushur tablonë e tyre me motive të Era Istrefit.
Piktori boshnjak nga Sjenica e Sanxhakut të Serbisë, Nurudin Dino Mashoviq, është njëri nga ata që është inspiruar nga Era Istrefi.
Ai ka realizuar një vizatim sa surrealist, aq edhe real në imazhin e Era Istrefit, të cilin mund ta shihni më poshtë. Mashoviq gjithashtu gjatë muajit shtator ka qëndruar në Suharekë në Koloninë e Artistëve, ku ka bërë një pikturë me motive shqiptare, që mund ta shihni, gjithashtu, më poshtë.
