Policia e Janinës ka liruar dy shoferët e Ministrisë së Jashtme të Shqipërisë, të cilët u arrestuan pasi po transportonin libra në gjuhën shqipe në shtetin grek.
Për këtë çështje ndërhynë Ministria e Jashtme dhe ambasada shqiptare në Athinë.
Dy shoferët që u shoqëruan në policinë e Janinës janë Altin Tafa dhe Agim Asllani.
Sipas pretendimeve të palës greke, dy shoferët e Ministrisë sonë të Jashtme kishin harta të “Shqipërisë së Madhe”.
Ndërsa MPJ shqiptare sqaron se tekstet në gjuhën shqipe janë për fëmijët e emigrantëve që jetojnë në Greqi dhe nuk kanë asnjë përmbajtje nacionaliste.
Reagimi
Zëdhënësi i ministrisë së Jashtme përmës një reagimi për Ora News rreth orës 18:00 jep arsyet e arrestimit: Autoritetet greke kanë bërë ndalimin me pretendimin se librat kishin përmbajtje historike që cënonin shtetin grek.
Me tu vënë në dijeni ministria e Jashtme shqiptare ka kontaktuar më ambasadën tonë në Athinë dhe ambasadoren greke në Tiranë dhe ka kërkuar lirimin e tyre. “Pas disa orësh janë liruar dhe do të vazhdojnë bisedimet për të sqaruar pse ka ndodhur” .
Mësohet se dy shoferët e ndaluar dhe liruar pas disa orësh nga autoritetet greke janë Altin Tafa dhe Agim Asllani.
Mësohet se Ministria jonë e jashtme do të vazhdojë bisedimet për të kërkuar më shumë sqarime rreth këtij incidenti.
