Policia e Tiranës ka zbuluar sot një rrjet trafikimi mjetesh të vjedhura. Kështu, është sekuestruar një automjet tip “Ferrari” dhe janë shpallur në kërkim dy persona, mes tyre një italian. Ata janë S.P. 29 vjeç dhe italiani Filippo Guaraldi, 36 vjeç. Shtetasi italian dyshohet se ka trafikuar në mënyrë të paligjshme në Republikën e Shqipërisë mjetin tip “Ferrari”, i dyshuar i vjedhur në Itali. Nga hetimet e kryera rezulton se ky shtetas është ndihmuar nga shtetasi S. P. për kryerjen e këtij veprimi të paligjshëm.
