Dashi (21 mars- 19 prill)
Disa shkresa që lidhen me paratë, kanë nevojë që të përfundohen sot. Pavarësisht se kjo do ju harxhojë shumë kohë dhe nuk do keni mundësi të merreni me aktivitetet e tjera, përfundimi do të jetë shumë i kënaqshëm. Mundohuni të përqëndroheni që ti mbyllni sa më shpejt dhe në mbrëmje të festoni.
Demi (20 prill- 19 maj)
Disa ëndrra të bukura gjatë natës, do ju zgjojnë me një vision të ri për të ardhmen. Gjatë ditës do ju shfaqen mundësi të reja në lidhje me karrierën, por përpara se të merrni një vendim, duhet ti mendoni mirë gjërat. Përfundimi do të jetë ai që kishit menduar gjithmonë.
Binjakët (20 maj- 20 qershor)
Kohët e fundit keni patur stabilitet në aspektin e karrierës dhe atë financiar. Kjo vjen si pasojë e punës tuaj të palodhur dhe meritoni disa ditë pushimi. E ardhmja duket se do jetë e ndritur, kështu që keni shumë për të festuar. Ndajeni këtë kënaqësi me miqtë dhe familjarët tuaj.
Gaforrja (21 qershor- 22 korrik)
Sot do të bëheni pjesë e një aktiviteti social, ku do të jenë të pranishëm persona me të njëjtat interesa si ju. Mund të takoni një person shumë karizmatik, me të cilin do kaloni pjesën më të madhe të kohës. Gjatë ditës në vazhdim, do kuptoni se ky person po fillon tju pëlqejë dhe dëshironi ta njihni më shumë. Ndoshta në të ardhmen mund të lindë diçka e bukur mes jush.
Luani (23 korrik- 22 gusht)
Sot do fokusoheni tek romanca dhe dashuria. Nëse jeni në një marrëdhënie, do të ishte mirë të organizonit një mbrëmje romantike. Nëse jeni single, mund të suprizoheni nga një person i veçantë. Energjinë që ju karakterizon, shfrytëzojeni dhe për aspektet e tjera të jetës.
Virgjëresha (23 gusht- 22 shtator)
Sot do të zgjoheni plot energji për të filluar ditën dhe plot dëshirë për të mësuar gjëra të reja. Do të zbuloni disa interesa tuajat që nuk i kishit menduar më parë dhe do përqëndroheni vetëm tek ato. Kjo është një mënyrë shumë e mirë për të zgjeruar horizontin.
Peshorja (23 shtator- 22 tetor)
Do të hasni disa trazira në karrierën tuaj dhe do të jenë komplet të papritura. Fillimisht mund tju duken problematike, por me kalimin e kohës do e kuptoni se kanë sjellë disa ndryshime pozitive për ju. Megjithatë, mos lejoni që kjo tju shpërnqëndrojë nga puna. Vazhdoni në të njëjtën mënyrë që e keni nisur.
Akrepi (23 tetor- 21 nentor)
Gjithmonë jeni të përqëndruar në punë, por sot pak më shumë se zakonisht, për shkak të një projekti i cili është shumë i rëndësishëm për ju. Do të punoni shumë dhe në fund të ditës do të ndjeheni pak të lodhur, por të realizuar. Mos harroni të bëni dhe pushime të vogla për tu qetësuar.
Shigjetari (22 nentor- 21 dhjetor)
Sot do të diskutoni disa gjëra të rëndësishme me partnerin/en tuaj dhe kjo mund të përfshijë dhe temën e martesës apo zhvendosjes në një shtëpi të re. Nëse jeni tashmë të martuar, mund tju lindin disa diskutime lidhur me mundësinë e zgjerimit të familjes. Për personat single, pritet një ditë e mbushur me njohje të reja.
Bricjapi (22 dhjetor- 20 janar)
Sot mund të keni rastin të takoni një person që e keni adhuruar që të vegjël. Do të njiheni nga afër me punën e tij dhe kjo do ju frymëzojë për të vazhduar më tej. Do të fitoni një ekpseriencë shumë të bukur dhe do keni një bazë për të ushtruar pasionin tuaj.
Ujori (21 janar- 19 shkurt)
Një aktivitet social mund tju njohë me një person shumë interesant dhe me një profesion intrigues. Nëse jeni single, mund të jetë një mundësi e mirë për të nisur diçka romantike. Por, nëqoftëse jeni në një marrëdhënie, tek ky person mund të gjeni një shok të mirë dhe një mbështetje intelektuale.
Peshqit (20 shkurt- 20 mars)
Sot do të bëheni pjesë e një aktiviteti ku do të njiheni më persona interesantë, nga vende të ndryshme. Do të zbuloni shumë interesa të përbashkëta me disa prej tyre, prandaj sigurohuni që të merrni numrat e tyre të telefonit, në mënyrë që të mos i shkëpusni marrëdhëniet. Mund tju hapen shumë dyer të reja.
