Modelja shqiptare Xhesika Berberi, e cila aktualisht jeton në SHBA, ku edhe praktikon profesionin e saj e që duhet thënë se ka korrur sukses me linjat trupore dhe tiparet mjaft të bukura të fytyrës, nuk e ka mohuar asnjëherë faktin se është e dashuruar.
Ajo shpesh në rrjete sociale ka postuar fotografi me të dashurin e saj prej një kohe të gjatë, Evald Balla. Xhesika dhe Evaldi janë njohur para shumë vitesh dhe kanë ndarë një marrëdhënie shumë të bukur dashurie.
Mirëpo ajo që mund të vëmë re teksa hedhim një sy në llogaritë në rrjetet sociale të Xhesikës është fakti se kohët e fundit ajo nuk ka postuar më foto me të dashurin e saj.
Një detaj tjetër që e ka shtuar kuriozitetin ka qenë se vetëm përpara dy ditësh, tenori i famshëm shqiptar, Saimir Pirgu, ka postuar në Facebook kopertinën e revistës kosovare “Teuta”, në të cilën ai shfaqet shumë i afërt duke pozuar pikërisht me modelen Berberi.
A ka diçka mes tyre? Edhe komentuesit në rrjetet sociale e kanë ngritur këtë pyetje, duke hamendësuar për një lidhje të mundshme midis të dyve, por Blitz.al kontaktoi me Xhesikën dhe ajo e ka mohuar këtë gjë, duke konfirmuar se vazhdon lidhjen e saj me të dashurin, Evaldin./NewsBomb.al/
