Ndërsa për ministrin Manjani, hetimi administrativ ka zbuluar se Gjykata e Durrësit ka gabuar rëndë lidhur me çështjen e pronës tek Gjiri i Lalzit, gjyqtarja Joana Qeleshi duket se nuk tërhiqet nga vendimi i saj.
E pyetur nga “Ora News” për këtë çështje, gjyqtarja Qeleshi u përgjigj: “Kam folur përmes vendimit”.
Një ditë më parë, ministri i Drejtësisë, Ylli Manjani ka kërkuar shkarkimin e gjyqtares Joana Qeleshi, pas mbledhjes së fakteve dhe të dhënave ligjore lidhur me vendimin e saj për ti njohur familjes Selçuni një sipërfaqe toke në Gjirin e Lalzit.
Bëhet fjalë për 42 mijë metër/katror tokë, ku po ndërtohej resorti nga biznesmeni amerikano-libanez Faadi Mitri, i cili e ndërpreu investimin dhe u largua nga Shqipëria, pasi u dhunua barbarisht në rrugën e Rinasit.
