E quante veten “Messi i Shqipërisë”, por në fakt ishte ndër njerëzit që trafikonte më shumë kokainë në Itali, të cilën e merrte direkt e nga Kolumbia.
Bëhet fjalë për shqiptarin Bledar Pajana, i cili është vënë në pranga në dhjetor të vitit 2014.
Ai u arrestuar në Holandë, për llogari të drejtësisë italiane, pasi akuzohet për trafikimin e të paktën 2 tonë kokainë nga Amerika Latinë drejt e në Gadishullin e Apenineve.
Sipas policisë italiane kokainën, Pajana e sillte në Europë nëpërmjet rrugëve detare në Spanjë, ose ajrore në Portugali, me një xhiro që i kalonte 200 kilogramët e kokainës në muaj, ose gati 2 ton në vit.
I arrestuar dhe i dënuar me 8 vite e 5 muaj burg, këto ditë Guardia di Financa i ka sekuestruar pasuri për të paktën 1 milionë euro, ndërsa paratë kesh do ti dërgohen arkës së buxhetit të shtetit ithalian.
Ndërsa makinat dhe sendet të tjera do të kalojnë në ankand për interesin publik, ashtu siç edhe veprohet me konfiskimet që i bëhen mafias. Ndërkaq Pajana do të qëndrojë në burg edhe për shumë kohë.
