Kodi i ri Punës i ndryshuar i Republikës së Shqipërisë ka sjellë një sërë freskimesh përsa i përket dispozitave ligjore që mbrojnë punëmarrësin, por kjo mesa duket vetëm për ata që punojnë në tokë dhe jo për një pjesë të tyre që karrierën e shkojnë në ajër, sikundër janë edhe stjuardesat. Në Kodin e ri të Punës, nëse pilotët, navigatorët, mekanikët, radiotelegrafistët, të gjithë këta pjesë e aviacionit civil janë përfshirë në Kodin e ri si punë të vështira ose të rrezikshme për jetën dhe shëndetin e njeriut, stjuardesat që bëjnë me milje të tëra në ajër, duket se për qeverinë shqiptare nuk figurojnë në inventarin njerëzor. Kjo me sa duket për shkak të një ngërçi të krijuar, pasi stjuardesat kanë kontratë me kompani të huaja ajrore. Ndërkohë që i pyetur nga Opinion.al një nga ekspertët që është marrë me ndryshimet e reja në Kodin e Punës, sqaroi se edhe në Kodin e vjetër të Punës, stjuardesat nuk kanë qenë të përfshira në punët e vështira ose të rrezikshme për jetën dhe shëndetin e njeriut, ndërkohë që ky rregullim i takon me dispozitë të veçantë qeverisë, e cila edhe këtë herë d