Një paralelizëm është ai që ka bërë gazetari Tedi Blushi me anë të një statusi në Facebook. Duket se ai është frymëzuar nga vajza e Presidentit të SHBA-ve, e cila ka filluar të punojë si kameriere. Kështu, ai bën një krahasim mes fëmijëve të pushtetarëve tanë, që bëjnë një jetë luksi dhe vajzave të Obamës, të cilat duket se janë shumë më të thjeshta se “pasanikët shqiptarë”.
E në fund të këtij statusi, Blushi e mbyll me fjalët që “barbonat punojnë kamariera, ndërsa boss-at bëjnë plazh”, sepse në të vërtetë ky është paragjykimi ynë. Sepse ne vlerësojmë atë që shpenzon lekë pafund, lekë këto të fituara me “djersën e ballit” dhe nënvlerësojmë atë që na shërben, që punon për bukën e gojës.
