Shkoi për tu larë në lumë por fatkeqësisht gjeti vdekjen.
Një 21 vjeçar nga Kukësi dyshohet se është mbytur aksidentalisht, teksa lahej gjatë ditës së djeshme në lumin Drini i Zi, në fshatin Ujmisht.
Shtetasin me iniciale R.S, banues në fshatin Kolesjan, Kukës, mendohet ta ketë marrë rjedha e lumit.
Në vendngjarje ndodhet grupi hetimor dhe polumbarët, ku po punohet për gjetjen e trupit të viktimës, i cili qysh prej ditës së djeshme nuk është gjetur ende.
