Babai i binjakeve një vjeç e gjysmë është arrestuar dhe është akuzuar për vrasje, pasi vajzat e tij janë gjetur të vdekura brenda një veture.
Ato nuk kanë mundur t’i rezistojnë temperaturave të larta sepse babai i tyre i kishte mbyllur në veturë për orë të tëra.
Asa North, 24-vjeçar, la vajzat e tij të vogla Arielin dhe Alaynah në ulëset e pasme të veturës derisa temperaturat kalonin 32 gradë celsius.
Binjaket janë gjetur të vdekura nga babai i tyre, i cili me dëshpërim tentoi t’i ringjallte, raportojnë mediat në Georgia të SHBA-ve.
“Ne besojmë se ato janë lënë në veturë për një kohë të gjatë”, ka thënë kapiteni i policisë, Chris Dobbs.