Policia ka arrestuar një person të shpallur në kërkim për “Trafikimin e personave të rritur”.
Mësohet se i arrestuari është Marenglen Stroka, 45 vjeç, banues në Vlorë. Shërbimet e Policisë së Vlorës kanë bërë arrestimin e tij, për arsye se në Tetor të 2013-ës, dyshohet se ky person ka trafikuar drejt shtetit Italian shtetasen me iniciale M.D., rreth 25 vjeç, banuese në Vlorë. Policia ka bërë arrestimin e tij për “Trafikim të personave të rritur”, vepër penale për të cilën i është caktuar masa e sigurisë “Arrest në burg”.