Policia e Vlorës ka gjetur një mjet të djegur tip “Jeep” i cili dyshohet të jetë përdorur në vrasjen e dy personave mbrëmjen e së dielës në Vlorë.
Sipas policisë mjeti me targë AA 210 FS është gjetur i djegur dhe i braktisur në rrugën e fshatit Aliko, pranë varrezave. Të njëjta burime bëjnë ët ditur se, ka dyshime të forta që mjeti është përdorur nga autorët e ngjarjes në lagjen “Partizani” ku mbetën të vdekur dy persona.
Nga të dhënat policore rezulton se mjeti tip “Jeep” me targë AA 210 FS është vjedhur para 2 muajsh në qytetin e Fierit.
Mbrëmjen e së dielës në Vlorë mbeten të vdekur dy persona të cilët ishin në një lloto. Të vdekur mbetën Ilir Deromemaj dhe Dhimitër Cami. Nga të dhënat e para një person ka qëlluar me breshëri automatiku në brendësi të lotos.
Dyshohet se në shënjestër të autorit ka qenë Ilir Deromemaj pasi 45-vjeçari kishte vrarë në vitin 1998 shtetasin Lame Gockaj.
