Policia e Lushnjes ka arrestuar një shtetas 59-vjeçar për shkak se ka ushtruar dhunë fizike ndaj nuses së djalit të tij.
Burime nga policia bëjnë me dije se shtetasi i arrestuar është Ali Sula, 59 vjeç, banues në fshatin Çermë Shkumbin, Lushnje.
Ndalimi i këtij shtetasi u bë pasi ka rrahur me grushta dhe sende të forta nusen e djalit të tij, shtetasen P.S, 28 vjeçe, banuese në fshatin Çermë Shkumbin, Lushnje.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje”.