Shteti islamik ka marrë përgjëgjësinë e sulmit të ndodhur mbrëmjen e djeshme në Gjermani ku një 17 vjeçar plagosi me sëpatë 4 pasagjerë të trenit i cili po udhëtonte drejt Wurzburg në jug të Gjermanisë.
“Autori i sulmit me sëpatë në Gjermani është një ushtar i Shtetit islamik dhe ka vepruar në kuadër të apelit për të luftuar koalicionin që lufton shtetin islamik,” shkruan agjencia e lajmeve të ISIS, Amaq.
Po kjo agjenci ka publikuar edhe video të 17-vjeçarit Muhammed Riad me thikë në dorë në të cilën ai thotë se është pjesë e ISIS dhe se do të luftojë derisa gjaku t’i rrjedhë në vena.
