Deputeti i Partisë Socialiste në Librazhd, Taulant Balla ka qenë ditën e djeshme në aksin Pogradec-Qafë Thanë, në Pojska, ku u zhvillua beteja mes partizanëve dhe pushtuesve italianë në vitin 1943.
Por, komentuesit e zonës së tij elektorale kanë ndërhyrë në statusin e tij në Facebook, duke i kërkuar llogari për rrugën e Çermenikës, që ende nuk është rikonstruktuar.
Kanë qenë dy komentues të kësaj zone, që i kanë vendosur ultimatum deputetit Balla, mos të shkojë në atë zonë dhe të kërkojë votat në zgjedhjet e ardhshme, nëse nuk bën rrugën e Çermenikës.