Një 28-vjeçar është arrestuar nga policia e Lezhës. Arbër Hafizi ka rënë në pranga të policisë, ndërsa u kap me 50 doza kokainë. Policia kishte marrë informacione për lëvizjen e të riut nga qyteti i Shkodrës, për në qytetin e Lezhës.
Kështu gjatë kontrollit iu gjet lënda narkotike. Burime nga policia lokale kanë thënë se synimi i tij ishte shitja e kokainës në plazhin e Shëngjinit, i cili kohët e fundit është bërë shumë i frekuentuar nga të rinjtë.
Ndërkohë policia vazhdon hetimet për të zbuluar përfshirjen e personave të tjerë.