Një i burgosur është vetëvrarë në burgun e Peqinit.
Mësohet se shtetasi Fatmir Myftari i ka dhënë fund jetës së tij duke u vetëvarë në tualetin e dhomës.
Deklarata e plotë e Burgjeve:
Drejtoria e Përgjithshme e Burgjeve njofton se më datë 10.07.2016, në burgun e sigurisë se lartë I.E.V.P Peqin, ka kryer aktin e vetëvarjes në tualetin e dhomës, Fatmir Myftari, i biri i Asim, lindur më 30.01.1967, në fshatin Vlosh të Komunës Kurjan, Fier, i dënuar me 20 vjet heqje lirie, siguria e lartë “Vrasje me Dashje”, të cilit i kishin mbetur dhe 6 vjet e 3 muaj.
Situata socio-ekonomike e tij ishte shumë e dobët, me familjarët nuk kishte kontakte duke mos kryer asnjë takim për shkak edhe të veprës penale.
I dënuari ishte me probleme të shëndetit mendor, diagnoztifikuar me çrregullime personaliteti, ka pasur probleme të vazhdueshme përshtatje, akomodimi si edhe ngarkesa emocionale.
I dënuari ka qene i akomoduar në Sektorin e Kujdesit të Veçantë i cili është planifikuar për të dënuarit me probleme të shëndetit mendor. Për ta ndihmuar në qetësinë psikologjike duke qenë se qëndronte me dëshirën e tij vetëm në dhomë dhe interesin për tu përfshirë si i dënuar i punësuar si lulishtar. Referuar problematikave që lidhen me familjarët e tij janë marrë masa të vazhdueshme nga sektorët për zgjidhjen e konflikteve dhe rivendosjen e kontakteve me familjen.
Fatmir Myftari u dërgua menjëherë pranë Spitalit Peqin, por nuk ka mundur të mbijetoj.
