Aleanca LGBT dhe ProLGBT me mbeshtetjen e Ecovolis, do të zhvillojë eventin më të madh të vitit kundër homofobisë dhe transfobisë. Tirana Gay Ride 5 do të zhvillohet të shtunën, në orën 11.00 para Pallatit të Kongreseve, Tiranë në 14 maj. Këtë vit komuniteti LGBT fton qytetarët të pedalojmë për të kërkuar të drejta të barabarta, të drejtën për njohjen e familjeve LGBTI, të drejtën e komunitetit transgjinor për njohjen gjinore, të drejtën për të patur akses të barabartë dhe trajtim dinjitoz në shëndetësi, arsim dhe në cdo fushë të jetës. “Së bashku jemi më të fortë! Kurajo”, thotë komuniteti LGBT.
