Kryetari i Partisë Demokratike Lulzim Basha ka kryer homazhe në nder të dy pilotëve që humbën jetën në aksidentin ajror mesditën e djeshme në Malësinë e Madhe. Kreu i demokratëve vendosi kurora me lule për të nderuar kujtimin e dy pilotëve të Forcave të Armatosura Shqiptare. Homazhet për dy pilotët u zhvilluan në Pallatin e Kongreseve. Nga rrëzimi i helikopterit humbën jetën pilotët Florian Deliaj dhe Donald Hoxha.
