Kryeministri i Islandës Sigmundur Davíð Gunnlaugsson vihet seriozisht në vështirësi kur pyetet për skandalin e publikuar së fundit të fshehjes së pasurive në Panama.
Gjatë një interviste për një televizion suedez SVT, Gunnlaugsson mbeti thuajse i shushatur dhe nuk dinte si të reagonte, derisa i tha gazetari se nuk ishte i përgatitur për pyetje të tilla, duke vendosur më pas që të ndërpresë intervistën.
“Kjo është krejtësisht e papërshtatshme”, tha ai.
Emri i Gunnlaugsson është midis listës së gjatë të krerëve të shteteve që kanë fshehur pasuritë e tyre në “parajsa fiskale”.