Një person i shpallur në kërkim ndërkombëtar është ekstraduar nga Greqia drejt vendit tonë. Vasil (Nasibi) Jaha, 31 vjeç, lindur në Tepelenë, u ekstradua mbrëmjen e djeshme drejt aeroportit të Rinasit. Jaha, ishte shpallur në kërkim ndërkombëtar pasi Gjykata e Apelit Durrës në korrik të vitit 2013, e ka dënuar me 3 vjet 10 muaj dhe 1 ditë burg, për kryerjen e veprës penale të “Prodhimit dhe shitjes së lëndëve narkotike”. Si rezultat i bashkëpunimit të Interpol Tirana me Interpol Athinën, u bë i mundur arrestimi provizor i tij në Greqi, me qëllim ekstradimi drejt vendit tonë.