Shoqëria civile ka nisur protestën e radhës për të kundërshtuar punimet për këndin e lojrave brenda parkut të liqenit artificial të Tiranës.
Kësaj radhe, protestuesit do të ngrenë çadra për të mos lejuar punimet e Bashkisë së Tiranës. Një tjetër detaj që ra në sy është edhe fakti që protestuesit e shoqërisë civile i kanë dhuruat lule punonjësve të policisë të cilët ndodhen në krye të detyrës për të garantuar rendin gjatë protestës.
“Nuk jemi vandalë”, i janë drejtuar protestuesit punonjësve të policisë.
Shoqëria Civile edhe këtë të dielë ka organizuar një protestë te liqeni kundër ndërtimit të parkut të lojrave për fëmijë dhe sërish ka pasur konfrontime me policinë.
Në këtë protestë mësohet se protestuesit thyen rrethimin dhe tentuan të vendosin çadra në zonën ku është parashikuarndërtimi i projektit.
Ndërkohë si rezultat i konfrontimit fizik një efektiv i Policisë Bashkiake është dërguar në spital.
Protesta e shoqërisë civile kundër parkut të lojërave tek Liqeni degjeneroi në dhunë këtë të dielë. Aktivistët u përplasën me policinë bashkiake që ruante rrethimin ku po ndërtohet këndi i lojërave, duke shkaktuar përleshje masive e cila përfundoi me disa të shoqëruar. Pas kaosit të shkaktuar aktivistët janë shpërndarë me shpejtësi në pjesë të ndryshme të Liqenit për t’iu shmangur shoqërimit nga policia.Aktivistë e policë që vrapojnë u panë në transmetimet live të kësaj protestë. Gjatë aksionit të policisë për ndalimin e tyre, një efektiv i policisë bashkiake ka shtyrë duke rrëzuar në tokë edhe gazetaren e Report TV Florinda Merko e cila ishte në vendngjarje për të raportuar zhvillimet e kësaj proteste.
Kolegia është dërguar për mjekim në spital, dhe aktualisht ndodhet në gjendje të stabilizuar.
Gazetarja ishte duke ecur mes protestuesve me mikkrofonin e Report TV, ndersa polici ka ardhur duke vrapuar pas saj e duke e shtyre. Incidenti u shenua ne mesin e rremujes se krijuar, cka do te thote se efektivi mund ta kete menduar aktiviste. Por sa e justifikon kjo veprimin e tij ndaj nje qytetari qe nuk po bente asnje veprim kercenues dhe vetem po ecte?!
