Ndonëse kanë kaluar më shumë se një muaj nga masakra eElbasanit, ku mbetën të vrarë 3 persona dhe u plagosën 8 të tjerë, ende nuk ka asnjë person të dyshuar.
Burime pranë Prokurorisë së qytetit kanë pohuar se ende nuk ka asgjë konkrete sa i takon identifikimit të autorëve të kësaj masakre dhe aq më pak, porositësve apo motiveve.
Autorët e masakrës kanë qenë shumë të kujdesshëm, që të lënë për policinë vetëm armët pa shenja gishtash dhe të zhduken së bashku me mjetet e tyre.
Të njëjtat burime janë shprehur se është ngritur një grup i posaçëm hetimi me tre prokurorë dhe katër oficerë të policisë gjyqësore, të cilët raportojnë çdo javë tek drejtuesi i Prokurorisë së Elbasanit.
