5-vjeçari afgan i kthyer në sensacionin e internetit me fanelën e tij prej qeseje që mbante numrin 10 të Lionel Messit, ka marrë më në fund një fanelë të vërtetë të Argjentinës, të dërguar nga vetë ylli argjentinas i futbollit.
BBC Trending ndihmoi në lokalizimin e fëmijës së cilësuar si “tifozi më i madh i Messit” dhe i dorëzoi fanelën bardhekaltër me numrin 10.
Ekipi i menaxherëve të sulmuesit të Barcelonës konfirmoi sot se Murtaza Ahmadit iu dërgua një bluzë me firmën e futbollistit 5 herë fitues të Topit të Artë.
