Policia e Korçës ka njoftuar se shtetasi F.B, 58 vjeç, banues në fshatin Zemblak është aksidentuar pasi i është përmbysur mjeti me të cilin po punonte. Nga hetimet paraprake rezulton se ky shtetas, ka qënë duke punuar me zetor, në fshatin Zëmblak dhe aksidentalisht mjeti është përmbysur. Për pasojë ky shtetas, është rrëzuar prej tij, duke marrë dëmtime trupore. Aktualisht ai ndodhet nën kujdesin e mjekëve,në Spitalin Rajonal të Korçës. Grupi hetimor po punon për sqarimin e rrethanave te ngjarjes.