Turqia tronditet sërish nga shpërthimet. Një mjet i ushtrisë është hedhur në erë në kryeqytetin turk, Ankara.
Shpërthimi ka qenë shumë i fuqishëm, ndërsa mjeti ndodhej pranë një baze ushtarake, 200 metra larg Parlamentit të Turqisë.
Guvernatori i Ankarasë, Mehmet Kılıçlar, thotë se nga shpërthimi 5 persona kanë humbur jetë dhe 10 të tjerë janë plagosur.
Paraprakisht nuk dihet ende shkaku i shpërthimit, por dyshohet për vendosjen e një bombe.
Qyteti është mbërthyer nga paniku, njerëzit kanë boshatisur rrugët dhe metrotë.
Forca të shumta policie dhe autoambulanca ndodhen në vendngjarje.