Finalizohet me sukses ku janë sekuestruar rreth 226 bidonë me lëng të dyshuar si ujë për bateri me peshë rreth 5650kg dhe ndaluar 6 doganierë. Gjithashtu janë shpallur në kërkim 4 shtetas të tjerë. Burime nga Policia e Shtetit bëjnë me dije se arrestimet janë bërë sot, pas një hetimi proaktiv nga ana e Sektorit të Krimit Ekonomik e Financiar në Drejtorinë Vendore të Policës Kukës, së bashku me Prokurorinë e Rrethit Gjyqësor Kukës. Në pranga kanë rënë
1-Ndriçim Ademaj, 46 vjeç, banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
2- Binak Halilaj, 54 vjeç, banues në Kukës, me detyrë përgjegjës ndërrese pranë Doganës Morinë, i dyshuar për kryerjen e veprës penale të “Shpërdorimit të detyrës”.
3- Afrim Jonuzi, 39 vjeç banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”,.
4-Resmi Fejzo, 62 vjeç, lindur në Kukës dhe banues në Tiranë, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
5-Elson Basha, 37 vjeç, banues në Kukës, me detyrë doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
6- Kasem Maksuti, 51 vjeç, banues në Kukës, me detyrë punonjës pranë SPK Morinë, i dyshuar për kryerjen e veprës penale të “Shpërdorimit të detyrës”, pasi
duke qenë në detyrë, nuk kanë kryer veprimet doganore ndaj mjetit me targa “AA 169 CG”, në pronësi të shtetasit N. F., i cili ishte i ngarkuar me një sasi prej 226 bidonë të mbushur me lëng, i dyshuar si ujë për bateri ( gjithsej 5 650 kg), automjet që dyshohet se ka kaluar kontrabandë nëpërmjet doganës Morinë.
Gjithashtu u bë shpallja në kërkim dhe po punohet për kapjen e shtetasve
1-D.E, 29 vjeç, banues në Kukës, doganier pranë Doganës Morinë, i dyshuar për kryerjen e veprës penale të “Shpërdorimit të detyrës”.
2-N.F, 28 vjeç, banues në Kukës, i dyshuar për kryerjen e veprës penale të “Kontrabandës”.
3-S.B, 56 vjeç, banues në Kukës, i dyshuar për kryerjen e veprës penale të “Kontrabandës ”.
4- G.Sh, 28 vjeç, banues Kukës, i dyshuar për kryerjen e veprës penale të “Kontrabandës ”.
Materialet për veprime të mëtejshme i kaluan Prokurorisë së Rrethit Gjyqësor Kukës.
