Lind lëvizja “çohuni socialistë”/ Anëtarë të PS kërkojnë largimin e Ramës: E ktheu PS-në në çiflig

Disa anëtarë të Partisë Socialiste janë mbledhur sot para selisë rozë, duke kërkuar largimin e Edi Ramës. Anëtarët janë nga disa degë të Shqipërisë, ndërsa disa prej tyre janë pjesë e lëvizjes “Çohuni Socialistë” të cilët kanë marrë me vete dhe teserën e partisë.   “Rama e ka kthyer partinë në çiflig të tij dhe që prej 3 vitesh nuk bëhen zgjedhje”, shprehet një prej protestuesve. Ndër të tjera, protestuesit kërkojnë që t’i hapet rruga e riorganizimit të partisë. I pranishëm në protestë është dhe Shkëlqim Meta, i cili ka qenë dhe ish-kandidat për kryetar i PS-së në zgjedhjet e vitit 2009.