Partia Demokratike ka reaguar lidhur me deklarata e ministrit të Transporteve Edmond Haxhinasto dhe kryetarit të Bashkisë së Tiranës Erion Veliaj, që të dy inspektuan punimet tek Unaza e Re.
Në reagimin e saj, PD thotë se punimet në këtë aks nuk po ecin me shpejtësi për shkak se nuk ka fonde, pasi sipas demokratëve janë vjedhur.
“Për t’u dukur sikur punojnë , Mondi dhe Eri, si Loli dh Coli u shfaqën mbi gërmadhat e një projekti i cili duhet të ishte drejt përfundimit. Por punët ecin me ritmin e breshkës sepse nuk ka lekë, sepse lekët që u mblidhen qytetarëve me taksat e rritura me çmimin e rritur të energjisë dhe të naftës, vidhen nga qeveritarët. 1.2 miliardë dollarë është shuma e parave të vjedhura në mbi një vit”, thuhet në reagimin e Partisë Demokratike.
Demokratët shtuan se Qeveria ka marrë 700 milionë Dollarë borxh dhe nuk ka investuar në asnjë rrugë të re.
