Policia Kufitare në Qafë Botë të Sarandës goditi një rast të trafikut ndërkombëtar të drogës, duke sekuestruar 20 kilogramë kanabis sativa që transportohej me një makinë.
Policia arrestoi 48-vjeçarin Dhimitër Çami, i cili drejtonte makinën tip Toyota me targa AA 553 HV, në të cilën ishin fshehur 36 pako me drogë, që kishin destinacion shtetin fqinj Greqinë. Sipas policisë, lënda narkotike ishte fshehur në dyshmenë e makinës, e mbështjellë me letër natriban të tejdukshëm ngjyrë kafe.