Qirinj dhe këngë tradicionale hebreje, simbolika e festës së Hanukës, mblodhi në ambientet e selisë së Presidencës personalitete të komuniteteve fetare në vend, ambasadorë dhe përfaqësues të këtij komuniteti. Në fjalën e tij kreu i shtetit, Bujar Nishani tha se kjo festë merr kuptim të veçantë në Shqipëri ku harmonia fetare është në themel të kombit.
Për ambasadorin e Izraelit, Boas Rodkin kjo festë tradicionale është edhe një mesazh për botën e sotme që kërcënohet nga terrorizmi.
Festa e dritave, apo e quajtur Hanukas prej tre vitesh tashmë festohet edhe në Shqipëri.