Gjatë protestës së opozitës, në podiumin para Kryeministrisë mbajti fjalën edhe djali i Azem Hajdarit, Kiri Hajdari. Ky i fundit denoncoi veprimet e Qeverisë dhe tha se Rama nuk mund të jetë Kryeministër i shqiptarëve.
“Sot kam nderin të flas para jush, para studentëve që guxojnë ti thonë ndal dhunës dhe terrorit të kësaj qeverie. Rama nuk ka qenë dhe s’mund të jetë Kryeministër i shqiptarëve, sot jemi bashkë për një ideal, të mbrojmë Shqipërinë, demokracinë, të mbrojmë Shqipërinë në NATO dhe lëvizjen tonë pa viza”, tha djali i Azem Hajdarit.