Analizë e rezultateve të faqes “Numbeo” për vendin tonë dhe ato të rajonit
Ilir Sinanaj
Gjatë këtyre 3 viteve të fundit, Shqipëria është renditur si një nga vendet më të ndotura jo vetëm në rajon, por edhe në Evropë. Që nga viti 2013 e deri në mesitin 2015, vendi ynë renditet më të shumtën e kohës si vendi i parë ose i dytë më i ndotur në Evropë, duke “konkurruar” me Maqedoninë. Këto kanë qenë rezultatet ndër vite nga sondazhet e faqes “Numbeo”, e cila është e specializuar në studime për perceptime të ndryshme, që lidhen me faktorë që ndikojnë në mirëqenie dhe cilësinë e jetesës ndër vende të ndryshme te botës. Nga ana tjetër, po si pas faqes “Numbeo”, Tirana, gjatë dy viteve të fundit, renditet si i qyteti i dytë më i ndotur në rajon, pas Shkupit.
Kryeqyteti
Në mesvitin 2014, Tirana renditej si qyteti i 27-të më i ndotur në Evropë dhe i 122-ti më i ndotur në botë, sipas Treguesit të Ndotjes të faqes “Numbeo”. Në shkallë ballkanike, për këtë vit, kryeqyteti renditej në vendin e dytë për nivelin e ndotjes pasi në vendin e parë ishte Shkupi, kryeqyteti i Maqedonisë. Në bazë të të dhënave për nivelin e ndotjes, në renditje botërore dhe evropiane, Tirana sa ka ardhur dhe është përkeqësuar, por pa tejkaluar Shkupin. Kështu, për fillimvitin 2015, kryeqyteti ynë renditej në vendin e 90-të në shkallë botërore dhe në vendin e 10-të në shkallë evropiane. Ndërsa për mesivitin 2015, Tirana renditej në vendin e 67-të në rang botëror dhe në vendin e 4-t në rang evropian.
Rekord në ndotje
Perceptimi i ndotjes së Shqipërisë sipas sondazheve të faqes “Numbeo” janë në nivele shqetësuese. Në vitin 2013, Shqipëria renditej në vendin e 14-të në Shkallë botërore e para në shkallë evropiane, për sa i përket Treguesit të Ndotjes. Edhe pse do të kishte një përmirësim, në shkallë botërore, duke rënë në renditje gjatë viteve në vazhdim, në shkallë evropianë vendi ynë perceptohet ndër më të ndoturit. Kështu për fillmvitin 2014, Shqipëria renditej në vendin e parë në shkallë botërore edhe në vendin e 2-të dhe në shkallë evropiane në vendin e 20-të. Ndërsa në mesvitin 2015, Shqipëria renditej në vendin e tretë në shkallë evropiane dhe në vendin e 6-të në shkallë botërore, sipas Treguesit të Ndotjes, të faqes “Numbeo”.
Treguesi i Ndotjes
“Numbeo” është një faqe e cila grumbullon të dhëna të ndryshme për vende nga e gjithë bota, duke filluar nga perceptimi për krimin e deri tek cilësia e jetesës, dhe së fundmi po citohet si nga mediat tona qoftë edhe nga ato botërore. Te dhënat për të përpunuar Treguesin e Ndotjes janë mbledhur nga anketime të ndryshme të “Numbeo”-s nga vizitorë të kësaj faqeje. Gjithashtu ky Tregues përbëhet nga përllogaritja e përgjithshme e të dhënave për sa i përket, kryesisht, ndotjes së ajrit. Të dhëna janë marrë edhe nga Organizata Botërore e Shëndetësisë.
Ja 21 gjobat e reja të Erion Veliajt për “vandalët” në kryeqytet
Në mbledhjen e fundit të Këshillit Bashkiak u miratuan një sërë masash administrative për dëme që shkaktohen në hapësirën publike dhe dëmtojnë infrastrukturën. Masat administrative të propozuara shkaktuan shumë debate midis mazhorancës dhe opozitës. Në fund ato u miratuan me votat e mazhorancës.
Dëmtimet dhe ndërhyrjet në rrjetin rrugor, të listuara më poshtë, dënohen me gjobë:
Dëmtim, çarje, ndotje rruge 10.000 lekё/m2
Bllokim rruge nё masёn 10.000 lekё/m
Dёmtim, çarje, ndotje trotuari 10.000 lekё/m2
Bllokim trotuari 10.000 lekё/m
Dёmtim bordure 10.000 lekё/m
Dёmtim, bllokim pusete, kunete 10.000 lekё/copё
Vjedhje kapaku pusete, zgare 10.000 lekё/copё
Dëmtimet dhe/ose e ndërhyrjet në rrjetin elektrik rrugor, të listuara më poshtë, dënohen me gjobë:
Lidhjet e pa-miratuara në kandelabrat 20.000 lekë /copë
apo rrjetin ajror
Dëmtim i shtyllave 20.000 lekë /copë
Dëmtim i ndriçuesve 20.000 lekë /copë
Përdorimi i shtyllave si suport për 20.000 lekë /copë
montimin e reklamave, kapjen e kabllove etj.
Dëmtimi i traseve kabllorë e linjave ajrore 20.000 lekë /copë
nga punimet që kryhen pranë tyre me leje
ose pa leje si edhe shkulja e shtyllave
Ndërhyrjet në kuadrot e komandimit 20.000 lekë /copë
Dëmtimet dhe/ose ndërhyrjet në rrjetin e ujësjellësit, të listuara më poshtë, dënohen me gjobё:
Lidhjet e pamiratuara në tubacion 20.000 lekë /copë
Dëmtim i pusetave 20.000 lekë /copë
Dëmtimi i tubacioneve nga punimet që 20.000 lekë /copë
kryhen pranë tyre me leje ose pa leje
Dëmtimet dhe/ ose ndërhyrjet në hapësirat e gjelbërta dënohen me gjobё:
Dëmtim hapësire të gjelbër 20.000 lekë/m2
Zënie hapësire të gjelbër pa leje 20.000 lekë/m2
Dëmtim, prerje pemësh 20.000 lekë/copё;
Vendosje posterash pa leje 20.000 lekë/copё
Vendosje tabelash, pankartash, 20.000 lekë/m2
banderolash pa leje