Këngëtarja Elhaida Dani do të prezantojë mbrëmjen e sotme Shqipërinë në Festivalin europian të Muzikës, “Eurovision”.
Kënga “I’m Alive” është materiali që do të na përfaqësojë, këngë e cila deri tani ka pasur komente pozitive në radhët e “Eurovision”-it, si dhe klikime të shumta në Youtube.
Elhaida Dani do të këndojë e 14-a në spektaklin, i cili do të nisë në orën 21:00. Po ashtu, Dani mban kodin nr. 14 dhe pret të votohet nga mbarë shqiptarët, që ndodhen jashtë trojeve tona, në mënyrë që t’i mundësojnë kualifikimin në natën finale.
