Ministria e Punëve të Jashtme i ka dorëzuar një notë proteste qeverisë së Greqisë përmes ambasadorit grek në vendin tonë, Leonidha Rokanas, çka ka tensionuar sërish marrëdhëniet diplomatike mes dy vendeve.
Nota e protestës se MPJ shqiptare kërkon nga shtetit grek të ndryshojë programin për kërkimin e naftës në detin Jon, bën me dije gazeta greke ‘Kathimerini’.
Për këtë veprim të Tiranës, shkruan ‘Kathimerini’, ministri i Jashtëm grek, Nikos Kotzias, ka anuluar takimin e planifikuar me ambasadorin shqiptar në Athinë, Dashnor Dervishi.
“Veprimi diplomatik i së premtes është i fundit në vazhdën e mosmarrëveshjeve mes Athinës dhe Tiranës në lidhje me të drejtën e eksplorimit”, shkruan gazeta greke.
Të dy vendet kanë nënshkruar një marrëveshje në vitin 2009, duke krijuar një zonë ekskluzive ekonomike, por pa zgjidhur ende vendosjen e kufijve dhe përcaktimin e shelfit kontinental.
