Policia e Fierit ka goditur një grup që kryente veprimtari kriminale në fushën e vjedhjeve dhe vjedhjeve me armë .
Si rrjedhojë, policia, në kuadër të operacionit të koduar “Piratët e natës” ka zbardhur 10 vjedhje të ndodhura në zonën e Marinzës dhe ka arrestuar 6 persona dhe ndiqen në gjendje të lirë dy të tjerë.
Policia ka sekuestruar në cilësinë e provës materiale armë zjarri, municione luftarake, bimë narkotike.
Këta persona në bashkëpunim me njëri- tjetrin gjatë periudhës kohore Tetor-2014- Mars-2015 kryesisht në zonën naftë-mbajtëse Marinëz-Zharrës Fier, kanë kryer një sërë vjedhjesh me armë dhe vjedhje te tjera në dëm të kompanive të naftës Bankers, Albetrol dhe subjekte private.
Nga tërësia e veprimeve hetimore është bërë e mundur që të dokumentohen dhe të provohen në 10 raste ngjarje të kryera më pare.
Në pranga kanë rënë Artur Braçe, 28 vjeç, banues në fshatin Zharrëz – Fier, i dënuar më parë për rrahje me 7 muaj burg. Arrestuar për veprën penale të “Vjedhjes me Arme, në bashkëpunim” në dy raste, parashikuar nga nenet 140, 25 dhe 278/5 Kodit Penal.
Denis Hajdini, 19 vjeç, banues në fshatin Zharrëz – Fier. Arrestuar për veprën penale të “Vjedhjes me Armë, në bashkëpunim”, në një rast, “Kanosje dhe Armëmbajtje pa leje”, “Vjedhje në Bashkëpunim” në disa raste, parashikuar nga nenet 140, 25, 278/5 dhe 134/2 Kodit Penal.
Kreshnik Braçe, 27 vjeç, banues në fshatin Zharrëz – Fier. Arrestuar për veprën penale të “Vjedhjes me Armë, në bashkëpunim”, në dy raste, “Kanosje dhe Armëmbajtje pa leje” në një rast, “Vjedhje në Bashkëpunim” në disa raste, “Kultivim i bimëve narkotike”, parashikuar nga nenet 140, 25, 278/5, 134/2 dhe 284 i Kodit Penal.
Ilir Rama, 36 vjeç, banues në fshatin Zharrez – Fier. Arrestuar për vepren penale të “Vjedhjes me Armë, në bashkëpunim e ngelur ne tentativë”, në një rast, “Vjedhje në Bashkëpunim” në disa raste, parashikuar nga nenet 140, 25, 22, 278/5, dhe 134/2 i Kodit Penal.
Dervish Hyseni, 19 vjeç, banues ne fshatin Zharrez – Fier. Arrestuar për veprën penale të “Vjedhjes në Bashkepunim” ne disa raste, parashikuar nga nenet 134/2 i Kodit Penal.
Lavdimir Xhaferri, 34 vjeç, banues në Velmish Fier. Arrestuar për veprën penale të “Vjedhjes në Bashkëpunim” në disa raste, parashikuar nga nenet 134/2 i Kodit Penal.
Në funksion të procedimeve penale të lartpërmendura është bërë e mundur sekuetrimi në cilësinë e provës materiale :
1 armë zjarri model 56 tip kallashnikov ,14 fishek luftarak, 2 gëzhoja model 56.
9 bimë narkotike të dyshuara të llojit Canabis Sativa.
21 fuçi të mbushura me vaj lubrifikant me nje total 40.000 litra.
150 kg tel bakri.
120 kg boje plastike Alpin
1 automjet “Benc Mercedes” fugon me targë AA341DE fugon,
1 automjet “Passat” me targë AA 077AK.
Veshmbathje kamuflazhi të përdoruar gjatë vjedhjeve.
6 aparate telefonash, si dhe vegla pune dhe sende të tjera të vjedhura me parë.
Materialet ju kaluan Prokurorisë së Rrethit Gjyqësore Fier për veprime të mëtejshme.
